当前位置:主页 > 时代虚拟 >亚视真的byebye了!! 难忘ATV的9件大事 >

亚视真的byebye了!! 难忘ATV的9件大事

时间:2020-06-16 来源:时代虚拟 作者: 点击量:770次

经历咗咁耐欠薪风波,亚视终于喺3月4日正式宣告不行鸟,大家讲byebye,后会无期。今次就搵咗亚视过往一D经典回忆,等大家一齐怀念吓呢个话晒陪咗香港人将近59年嘅电视台。

威水史1. 超级经典!我和殭尸有个约会

原谅我当天不懂得珍惜只知任性♫ ♪ ♬ 一听到呢首歌,就知够钟播我和殭尸有个约会喇!笔者到今时今日都仲记得点唱呀,有冇人都同我一样呀?呢套剧唔单止係亚视剧集中顶级作品之一,可以续集完再续集,来到2016年有消息指,外国的Fox Asia有意开拍《我和殭尸有个约会》外国版本,真係亚视嘅威水史,可惜亚视喺呢一日来临前捱唔住,要同香港人讲Bye Bye。

亚视真的byebye了!! 难忘ATV的9件大事
当年嘅马小玲同今日嘅万绮雯都仲係一样样㗎!
亚视真的byebye了!! 难忘ATV的9件大事
当年又靓仔又得意嘅复生,今日除咗係好靓仔嘅大人,有报导指佢喺2013年已经结埋婚。

虽然套剧大受好评,不过都有被批评地方,好似呢辑大结局,况天佑嘅变身就被指抄《幽游白书》中浦饭幽助嘅造型。

 

2. 超越大台收视!百万富翁

100万嘅问题、打电话问朋友、最后答案,呢d经典台词到而家都仲会成日讲,当年收视仲威胁到无綫,令佢哋都即刻推出一笔out消嚟抗衡亚视,所以百万富翁绝对係亚视嘅一大经典!

亚视真的byebye了!! 难忘ATV的9件大事

3. 突破保守电视尺度 - 活色生香

亚视真的byebye了!! 难忘ATV的9件大事

80年代亚视不时推出清谈节目,当中活色生香以男性兴趣为节目主题,内容包括消遣地方(酒吧、夜总会)、汽车、风水、摄影、女性及性知识等。最前卫之处在于当时社会相对地较为保守,竟然有一个电视节目大胆地公开谈论呢个题材,牵起社会热话。

4. 巨星坐镇,无所不谈-今夜不设房

亚视真的byebye了!! 难忘ATV的9件大事

亚视真的byebye了!! 难忘ATV的9件大事

当 年已经是出位才子的黄霑、倪匡、蔡澜,由佢哋主持嘅节目已经好爆,不时谈及个人感情生活…甚至性生活,更爆嘅係节目每集都会邀请嘉宾一齐倾,当中不乏是巨星级艺人,例如周润发、张国荣、成龙、刘嘉玲等,连巨星都一样够胆倾呢D题材,点会唔震撼10亿人!(当时人口应该係咁上下挂…)

 

爆瘀史4. 误报前国家主席江泽民病逝

2011年亚视于6点半新闻中,率先报导前国家主席江泽民嘅死讯,并準备推出相关的特备节目以示哀悼。不过,当时其他媒体均未得到确定的消息,后来新华社发出澄清报导,指江泽民并未离世。两个月后,当时任职亚视新闻部高级副总裁的梁家荣请辞。

亚视真的byebye了!! 难忘ATV的9件大事

5. 台庆logo似死字

呢个本来係贺台庆嘅logo被网民取笑设计似死字,寓意亚视会喺56周年执笠,不过都已经係2013年嘅事,都叫做挨多咗几年。不过话时话,呢个图睇睇下,56的右边个忽都似有9字,56周年无Bye Bye都出唔到59年吖。

亚视真的byebye了!! 难忘ATV的9件大事6. 被逼Happy Birthday to ME~~~

2004年中AC米兰球队访港,顺道出席亚视台庆节目,当中同日生日的球员岩布仙尼被主持朱慧珊要求一齐唱生日歌,寿星仔岩布仙尼唯有面朦朦咁唱~~~Happy Birthday to me! 寿星仔要唱俾自己听,真尴尬!

事件令早前举行劲曲金曲颁奖礼嘅100毛,都借事件讲下笑。

7. 台庆寿桃送俾台下的空櫈

话说早几年亚视喺北京举行台庆晚会,全场超过三小时。由于节目较为冗长,去到后期现场观众都走得七七八八,就在此刻,经典位嚟喇!完场前嘅祝酒及抛寿桃环节,镜头拍到台上艺员不断将寿桃抛到台下嘅空櫈,虽然台下无人接,但艺员依然交足戏抛得异常高兴,专业!

*由于上面片段长达3小时,想睇寿桃一环,请自行挑到片段最后两分钟

经典历史8. 不设年龄上限的亚姐选美

过往的选美活动都有年龄限制,不能太细亦不能太老。不过喺1995年,亚视再一次突破界限,推出无年龄上限嘅亚姐竞选,除咗吸引当时年龄不足16岁嘅佳丽陶安仁,最爆的就係有全场年纪最大、报称当时47岁嘅宫雪花参加,抢尽同期选美界嘅焦点。

9. 播极都未入肉嘅《罗兹威尔》解剖片段

同样是1995年,继无年龄上限亚姐之后,亚视紧接住买咗一段解剖外星人片段,并且安排喺黄金时段嘅《今日睇真D》内播出。当时消息一出,的确轰动全港。由于当年影音器材无现时咁方便先进,好多人真係一收工就飞车返屋企等睇特辑。当时亚视经过精密计划之后,将短短几分钟嘅片段,分5日于节目内播出,并且製作好多附加嘅访问。製作方法一时佳话,令观众惊叹亚视高明嘅拖延战术!

上一篇:
下一篇: